Gjatë një vizite në një nga gjimnazet e Dibrës, ministria Besa Shahini është gjendur në një situatë pasksa të sikletshme teksa një punonjëse e DAR Dibër i ka dal kundër për bashkimin e dy gjimnazeve në një të vetëm.
Punonjësja Margarita Markja i referohet rastit të Ish-godinës së Universitetit “Aleksandër Mosiu” filial i Durrësit në qytetin e Peshkopisë, që pas mbylljes së universitetit u rikthye sërish në gjimnaz në nëntor të vitit 2017, duke u bërë gjimnazi “Said Najdeni” 2 me 550 nxënës po aq sa gjimnazi “Said Najdeni” 1. Për shkak të numrit të vogël të nxënësve, kjo shkollë është parashikuar që të mbyllet dhe kjo godinë të vihet në funksion të Bashkisë, por banorët kanë dalë kundër.
Por përpos protestës së punonjëses së DAR, Besa Shahini është shprehur se nuk e kishte menduar ndonjëherë që një punonjëse e ministrisë ti dal kundër ministrisë, duke i’a ndërprerë fjalën zonjës.
Punonjësja e DAR: Unë sot jam këtu jo si staf i DAR Dibër që ishim deri tani, por si dibrane, si nënë e fëmijëve që mësojnë në këto shkolla dhe jam këtu për të protestuar për bashkimin e gjimnazeve nga dy në një dhe nuk lejoj askënd në botë që të mbyll një gjimnaz në qytetin e Peshkopisë, por as në një qytet tjetër. Nëse ne mbyllim gjimnazin “Said Najdeni” do mbyllim një gjimnaz në Bulqizë, një gjimnaz në Selistë, një në Radomirë. Ky është misioni i ministrisë së Arsimit? Unë si dibrane, nuk flas në statusin e jusristes së DAR Dibër. Ministria ka hedhur duke legjitimuar mbylljen e një shkolle në Dibër.
Ministrja Shahini: Nuk e di në cilin univers proteston punonjësi i ministrisë kundër ministrisë.
(S.A/FAXWEB.AL)
Discussion about this post