Punonjësit e By Passi-t të të Vlorës kanë dalë sot në protestë para Kuvendit për pasi sipas tyre shteti ka bllokuar paratë e tyre dhe nuk po shlyen detyrimet për tu dhënë hakun e punës së tyre në këtë vepër ku puna e tyre është e certifikuar.
Për kamerën e ‘Fax News’ ata kanë treguar se kanë që në dhjetor 2016 që nuk janë paguar, kohë kur kompania italiane “Serenissima” e kontraktuar nga shteti për ndërtimin e By Passi-t të të Vlorës ndërpreu punimet dhe u largua.
Punonjësit thonë se është shteti që ka bllokuar paratë e tyre pasi siç tregojnë ata firma italiane kur u largua I transferoi borxhin shtetit, prandaj bllokimi I këtyre parave është I pakuptimtë. Por pronarët e këtyre fimave që kanë kryer punimet dyshojnëe se shteti I mban paratë e tyre pasi dyshon se do të humbasë në arbitrazh ndaj firmës italiane dhe me paratë e tyre do të paguajë firmën italiane.
“Punonjësit kanë 1 vit pa marrë pagat, ndërsa firma ka shpallur falimentimin. Ka një vit e gjysmë që është ndërprerë puna, ka shpallur falimentimin dhe ka ikur. Zotti Ruçi të kthejë kryet edhe nga ne se kemi marrë borxhe nëpër banka, kemi blerë inerte, tani janë rritur kamatat për shkak të vonesave. Iu bëj thirrje të gjithë deputetëve, ministri nuk na pranon në takim, as të na spjegojë.
S’dimë ku të vemi ku të mbytemi, të vemi vetëm, në Bruksel, atëherë kur i duheshin punët na mmbështeti.
Në 10 dhjetor në 2016 puna është ndërprerë. Ne kemi marrë dhe kredio duke shpresuar që do ti marrim paratë”, tha punonjësi.
“Jam subjekt që kam punuar me disa subjekte të tjera dhe për shkak që nuk kam paguar detyrimin ndaj palëve të treta mua nesër më sekuestrohen mjetet, borxhet tona nga palët e treta është I madh. Kërkojmë nga ministri i energjitikës të na takojnë dhe ti japim zgjidhje. Italianit nuk mund ti marrim ndonjë gjë se nuk ka gjë në bankë, nuk ka kolateral. Firma italiane pa asnjë lloj garancie filloi punimet, ne na thanë filloni punën dhe mos e ndërprisni. Po falimentojmë , ku ti gjejmë këto para, unë I bëj thirrje kryeministrit të na japë paratë se janë para djerse, para gjaku. Rruga nuk ka për tu bërë d të shtrihemi atje në rrugë të vdesim”, tha një tjetër.
Ndërsa një punonjës tjetër u shpreh se firma italiane është larguar pasi edhe ajo pati peripecitë e veta. E gjitha kjo situatë sipas tij ka ardhur si pasojë e keqmenaxhimit të shtetit.
“Bllokimi i këtyre punimeve nuk është vetëm se një keqmenaxhim I shtetit shqiptarë, kompania italiane u largua se pati peripecitë e veta, por kur u largua I transferoi borxhin shtetit, pra fondi për ne është I paprekur dhe është e pakuptimte së përse nuk na shpërndahet. Mendimi se është tani në proces me firmën itakliane në arbitrazh, autoritet e ndiejnë se do ta humbasin dhe me paratë tona do të paguajnë firmën italiane. Fondet tona janë të ngurtësuara dhe nuk janë pak, janë 25 milionë euro.
Nëse ne nuk shlyejmë detyrimet tatomore falimentojm, disa nga këto 55 kompani e kanë shpallur falimentin, të tjerë akoma po shpresojnë”, tha ai. (B.H/Faxweb)
Discussion about this post