Përfaqësuesja e gazetarëve sportivë në votimin e disa ditëve më parë për lojtarët dhe trajnerin më të mirë të vitit në FIFA, ka reaguar pas akuave të bëra ndaj procesit të votimit.
Dhurata Bejzade ka sqaruar përmes një njoftimi se ishte ajo pika e kontaktit me EBU-në, por vlerësimet janë bërë nga gazetarët sportivë.
“Unë jam një njohëse shumë e mirë e sportit, por duke qenë një vlerësim i këtyre përmasave, u konsultova dhe pyeta gazetarë të sportit në TVSH. Kushdo që ta jepte vlerësimin, sërish emri në listë do të ishte imi, pasi është nominal.”, shkruan punonjësja e Departamentit të Marrëdhënieve me Jashtë në TVSH.
Shkrimi:
“Unë jam personi i ngarkuar nga TVSH-ja për EBU-në (Unioni Europian i Transmetuesve). Dhe emri im është në të gjitha protokollet e vlerësimit, jo vetëm për sportin, por edhe për muzikën apo aktivitete të tjera që TVSH-ja ka blerë.
Herën e fundit, meqenëse këto ishin vonuar, më kontaktuan nga EBU-ja dhe më njoftuan se po atë ditë që më lajmëruan ishte edhe afati i fundit për votimin. Duhej të jepja vlerësimin menjëherë dhe u thashë që unë nuk merrem me sportin. Në një situatë të tillë, kam pyetur gazetarët e sportit në TVSH në lidhje me vlerësimin dhe më pas e kam bërë. Unë jam një njohëse shumë e mirë e sportit, por duke qenë një vlerësim i këtyre përmasave, u konsultova dhe pyeta gazetarë të sportit në TVSH.
Kushdo që ta jepte vlerësimin, sërish emri në listë do të ishte imi, pasi është nominal. Edhe në vlerësimet e tjera për filmat apo aktivitete të ndryshme, emri do të ishte sërish imi, pasi jam pika e kontaktit me EBU-në. Por, vlerësimet i bën tjetërkush, në varësi të fushës së aktivitetit”. (D.D/Shuplaka)
Discussion about this post