Përmes një postimi në rrjetet sociale, kreu i qeverisë Edi Rama ka treguar një tjetër masë që do të nisë të zbatohet që prej ditës së nesërme.
Të gjithë punonjësit e administratës duhet që të shkojnë në zyrë pa makina, dhe në rastin e kundërt duhet të kenë një vërtetim të firmosur nga titullari i institucionit.
Po ashtu duke iu referuar urdhërit që lëvizjet e këmbësorëve të vendosen vetëm në dy fasha orare gjatë ditës, kreu i qeverisë shprehet se në rast se kjo shkelet ngapunonjësit e administratës do tiu mbahet rroga për tre muaj me radhë, dhe në rast përsëritje do të pushohen fare.
”NGA NESËR DALJA E KËMBËSORË DO TË KUFIZOHET VETËM NË FASHAT ORARE 06.00 – 10.00 dhe 16.00 – 18.00″, shkruante më herët Rama, dhe theksonte se nuk duhet të ketë lëvizje dyshe të personave në rrugë.
Gjoba për çdo qytetar që e shkel këtë fashë orare është 10 mijë lekë.
Postimi i plotë i Ramës:
? NGA NESËR, TË GJITHË PUNONJËSIT E MINISTRIVE, BASHKIVE E PREFEKTURAVE, NGA SEKRETARËT E PËRGJITHSHËM DHE DERI TEK I FUNDIT, NUK DO TË PËRDORIN MË MAKINË PËR TË SHKUAR NË ZYRË!
NGA KY RREGULL PËRJASHTOHEN VETËM PUNONJËSIT E MINISTRISË SË SHËNDETËSISË, MINISTRISË SË MBROJTJES, MINISTRISË SË FINANCAVE APO TË PREFEKTURA E BASHKIVE, QË JANË TË PËRFSHIRË NË LISTËN PRIORITARE ME FIRMËN E TITULLARIT, PËR TË GARANTUAR ZHVILLIMIN E LUFTËS SIPAS PLANIT, NË ASPEKTIN SHËNDETËSOR DHE HUMANITAR!
? NGA NESËR, TË GJITHË PUNONJËSIT E TJERË TË ADMINISTRATËS SHTETËRORE QË E KANË PUNËN NË ZYRË, NUK DO TË PËRDORIN MAKINË PËR TË SHKUAR NË PUNË.
TITULLARËT E TË GJITHA INSTITUCIONEVE TË VARËSISË, DUHET TË ÇOJNË SOT TEK MINISTRI APO KRYETARI I BASHKISË, LISTËN E ARSYETUAR TË PUNONJËSVE QË E KANË TË DOMOSDOSHME LËVIZJEN ME MAKINË. EMËR PËR EMËR!
? SHKELJA E KËTYRE MASAVE, TË CILAT DO TË PËRFSHIHEN NESËR, SË BASHKU ME MASAT E REJA PËR LËVIZJEN E KËMBËSORËVE NË AKTIN NORMATIV, DO TË NDËSHKOHET ME MBAJTJEN E RROGËS PËR 3 (TRE) MUAJ DHE NË RAST PËRSËRITJE ME LARGIMIN PËRFUNDIMTAR NGA PUNA!
SOT PUNONJËSI I SHTETIT QË SHKEL RREGULLAT E LUFTËS NË MËNYRË TË PËRSËRITUR, NUK ËSHTË NJË KUNDRAVAJTËS SI TË TJERËT, PO NJË DEZERTOR NË KUPTIMIN E PLOTË TË FJALËS!
? NGA NESËR, KËMBËSORËVE QË DO TË SHKELIN MASAT E REJA TË LËVIZJES DHE QË FIGUROJNË NË BORDEROTË E REPUBLIKËS SË REPUBLIKËS SË SHQIPËRISË, SI PUNONJËS TË ADMINISTRATËS QENDRORE APO VENDORE, DO T’U MBAHET RROGA PËR 3 (TRE) MUAJ DHE NË RAST PËRSËRITJEJE DO TË LARGOHEN PËRFUNDIMISHT NGA RADHËT!
POPULLI NUK I PAGUAN TAKSAT PËR T’U DHËNË RROGA ATYRE QË RREZIKOJNË JETËN E TIJ NË KËTË LUFTË KU PUNONJËSIT E SHTETIT DUHET TË JENË SHEMBULLI MË KUPTIMPLOTË I DISIPLINËS SHTETËRORE DHE PËRGJEGJSHMËRISË QYTETARE!
? KJO LUFTË NUK ËSHTË LOJË! PËRBALLË ARMIKUT QË NA KA SULMUAR JEMI NJË VEND, NJË POPULL DHE NJË SHTET! VETËM KËSHTU MUND T’IA DALIM DHE ASKËND QË S’DO TË KUPTOJË NUK MUND TA TOLEROJMË MË!
(E.K/Faxweb.al)
Discussion about this post