Kërkesa e SPAK ndaj Kuvendit për të vënë nën masën e arrestit në shtëpi Sali Berishën është debati i sotëm në emisionin Pushteti në Fax News me gazetarin Besnik Sulejmani.
Politologu Shpend Gashi është i mendimit që kjo që po i ndodh Berishës, mund të jetë një sinjal që të çohet popullit opozitar. Sepse historia ka treguar se kur preket lideri, njerëzit çohen. Berisha sipas tij është një lider që frymëzon një elektorat të madh, por nga ana tjetër ai eklipson edhe ata që ka afër vetes.
Shpend Gashi: A është zotëria Lulzim Basha, i aftë të mbledhi këta njerëz që janë te Berisha nëse zoti Berisha ndiqet penalisht. Zoti Basha ka një peshë specifike në rrënimin e opozitës dhe deopozitarizmin në Shqipëri. Kur preket lideri çohen njerëzit. Berisha frymëzon një elektorat shumë të madh. Fatkeqësia e një lideri të tillë është që eklipson të gjithë njerëzit që ka afër vetes.
Ndërsa Fatmir Merkoçi shprehet se kjo është një arritje e Berishës, prej mosbindjes civile të tij, që arriti ta sjellë kërkesën e SPAK në Parlament.
Merkoçi: Politikisht Berisha fitoi sepse arriti ta sjellë gjënë në Kuvend. Dhe në Kuvend do ketë përplasje.
Sakaq, Gashi shton se Berisha ka ditur ta përdori sulmin që i është bërë. Kjo sipas Gashit, është mënyra e vetme që Berishës t’i pastrohet baltosja që i është bërë këto 20 vite, ku ka patur zëra që e kanë akuzuar edhe për vrasjen e 3 mijë vetave.
Shpend Gashi: Një politikan 33 vjet që e jeton politikën 24/7. Zoti Berisha ka ditur ta përdori sulmin. Është mënyra e vetme për ta pastruar gjithë peshën e baltosjes në 20 vite. Të thuash që Berisha ka vrarë 3 mijë veta duhet të jesh delirant apo të jesh vetë tepsia. Është përbaltosje.
Discussion about this post