Presidenti rus Vladimir Putin shprehet se do të ishte mirënjohës ndaj Sllovenisë, nëse do ta lejonte që takimin e parë me presidentin amerikan Donald Trump ta bënte në këtë shtet.
Këto deklarata Putin i bëri pas bisedimeve të Kremlinit me homologun e tij slloven, Borut Pahor. Ishte ky i fundit ai që e sugjeroi Lubjanën, si vendtakim për dy presidentët.
“Sllovenia është vend i mrekullueshëm për bisedime të tilla. Por, nuk varet vetëm nga ne, varet nga disa rrethana”, është shprehur ai.
Kujtojmë këtu se “Zonja e Parë” e SHBA-së, Melanie Trump, është me origjinë Sllovene, ka lindir dhe është rritur në slloveni. A mund të jetë një rastësi përzgjedhja e Sllovenisë për këtë takim?! Sido që të jetë, Trump akoma s’ka kthyer një përgjigje.
Pas këtij takimi, Putin deklaron se pret Trump, për të rivendosur marrëdhëniet aq shumë të tensionuara mes dy shteteve, Rusi-SHBA. (D.D/Shuplaka)
