Putin letër urimi Metës: Marrëdhëniet dy-palëshe në interes të popujve tanë dhe gjithë Evropës

Presidenti rus Vladimir Putin, përmes një letre të dërguar në adresë të homologut të tij shqiptar, Ilir Metës dhe të bërë publike nga Ambasada Ruse e akredituar në Tiranë, ka uruar shqiptarët për “Ditën e Flamurit”.

Përveç mesazhe të tij të urimit për atë dhe popullin shqiptar në letrën e tij Putin shpreh bindjen se zvhillimi i marrëdhënieve konstruktive dhe bashkëpunimi dypalësh ruso-shqiptar në fusha të ndryshme, do të ishte në interesa të popujve përkatës.

Mesazhi i Putin

‘Mesazh urimi i Presidentit të Rusisë Vladimir Putin për Presidentin e Shqipërisë Ilir Meta me rastin e Ditës së Flamurit:

Shkëlqesisë së Tij

zotit Ilir Meta,

President i Republikës së Shqipërisë

Tiranë

I nderuar zoti President,

Pranoni urimet e mia me rastin e festës kombëtare të Shqipërisë, Ditës së Flamurit. Jam i sigurt se zhvillimi i marrëdhënieve konstruktive dhe bashkëpunimit dypalësh ruso-shqiptar në fusha të ndryshme do të ishte në interes të popujve të dy vendeve tona, si edhe të gjithë Evropës.

Ju uroj Juve shëndet dhe suksese, ndërsa të gjithë bashkëqytetarëve Tuaj u uroj mirëqenie dhe begati.

Me respekt,

Vladimir Putin’

(F.GJ/FAXWEB.AL)