Presidenti i Rusisë, Vladimir Putin, është shpallur personi më i fuqishëm në botë sipas prestigjozës “Forbes”. Ndikimi i tij është shtrirë pothuaj anembanë globit, nga Siri në SHBA gjatë peëriudhës së fushatës elektorale dhe më vonë.
“Putin vazhdon të marrë atë që dëshiron. Arritjet e tij janë shtuar përgjatë viteve të fundit.”, shkruan “Forbes”, e cila i referohet më tej akuzave ndaj presidentit rus që akuzohet se ka ndërhyrë në rezultatin e zgjedhjeve në Shtetet e Bashkuara të Amerikës.
Këto akuza janë hedhur poshtë nga Kremlini dhe presidenti Donald Trump, pavarësisht se CIA pretendon të kundërtën. “Sido që të jetë, me një aleat të tillë të mundshëm që hyn në Shtëpinë e Bardhë, pushteti i Putin-it mund të “dalë jashtë kontrollit” në vitet në vijim.”, vijon më tej revista.
