Qafa iu shkëput nga trupi, ”tradhëtia shlyhet me vdekje”/ Sa vite u dënua shqiptari që vrau barbarisht gruan në Angli

Shqiptari Fatos Xheta, i cili vrau me thikë bashkëshorten e tij në Angli, u dënua dje me 19 vjet burg për këtë krim.

Ngjarja ka ndodhur disa muaj më parë në Oxford të Anglisë, ku Safie Xheta, 35 vjeçe, është gjetur e qëlluar për vdekje me thikë në kuzhinën e shtëpisë së saj.

Sipas raportit mjeko-ligjor aq e thellë ishte prerja në qafën e saj, saqë thuajse ishte shkëputur nga trupi.

Gjyqtarët janë menduar rreth 90 minuta, përpara se të marrin vendimin për 46-vjeçarin. Gjykata arriti në përfundimin se Xheta ishte xheloz për gruan e tij. Kjo u vu re edhe në shënimet që i janë gjetur atij në banesë, shkruajnë mediat britanike.

Pranë saj u gjet një letër, e cila mund të jetë shkruar edhe nga viktima, në të cilën shkruhej në shqip: ‘tradhtia shlyhet vetëm me vdekje’.

(E.K/Faxweb.al)