Policia e Tiranës ka dhënë një njoftim se do të bllokohet segmenti rrugor nga rreth rrotullimi në afërsi të Akademisë së Sigurisë deri tek kryqëzimi i Tiranës së Re dhe nga kryqëzimi i Tiranës së Re deri tek rreth rrotullimi në afërsi të Kopështit Zologjik për arsye të punimeve në rrugë.
Sjellim në vëmendje që po kryehen punime për ndërtimin e segmentit rrugor nga Kryqëzimi i Tiranës së Re deri tek mbikalimi në afërsi të Fabrikës së miellit dhe për këtë arsye do të bllokohen edhe segmentet e mësipërme.
Po kështu ky bllokim do të zgjasi deri në përfundim të punimeve të këtij segmenti rrugor. Të gjithë drejtuesit e mjeteve do të kenë mundësi lëvizje në drejtim të Elbasanit nga rreth rrotullumi në afërsi të Kopështit Zologjik në trajektoren normale.
“Kërkojmë mirkuptimin e të gjithë drejtuesve të mjeteve dhe të respektojnë rradhën e trafikut gjatë kohës që ky segment do të jetë i bllokuar”, thuhet në njoftim. (J.V/Shuplaka)
Discussion about this post