Qarkullimi i mjeteve të rënda gjatë sezonit veror, ja ku do të kufizohet lëvizja e tyre në tre muaj

Qarkullimi i mjeteve të rënda do të jetë i kufizuar në zonat turistike përgjatë periudhës 15 qershor-15 shtator, sipas udhëzimit të përbashkët të Ministrisë së Infrastrukturës dhe Energjisë për sezonin e verës.

“Gjatë sezonit turistik, nisur edhe nga kushtet e disa segmenteve rrugore dhe për të krijuar lehtësi për pushuesit, sidomos në ato zona që kanë intensitet me turizmin, bazuar në legjislacionin në fuqi, së bashku me Ministrin  e Brendshëm do nxjerrim një udhëzim ku do të disiplinojmë trafikun e mjeteve të rënda. Duke vendosur nga 15 qershori në 15 shtator, kufizim të trafikut të mjeteve të rënda në periudhat e fundjavave: nga e premtja përfshirë ditën e dielë trafiku i mjeteve të rënda do të ndalohet në disa segmente kryesore rrugore.” – thuhet në udhëzimin e Ministrisë së Brendshme.