Një 24-vjeçar nga Shkodra është arrestuar ditën e sotme, pasi është kapur duke qarkulluar me armë pa leje.
Leonargj Gjergji po udhëtonte me automjetin e tij tip “Jeep”, kur pas një kontrolli policor, në sediljen e pasme, në çantën e tij personale iu zbulua një pistoletë tip TT.
Detajet e policisë:
Më datë 14.09.2017, në vijim të kontrolleve për kapjen e personave që qarkullojnë me armë zjarri, nga shërbimet e Forcave të Posaçme Shqiponja, u arrestua në flagrancë shtetasi: Leonard Gjergji, 24 vjeç, banues në Shkodër.
Ky shtetas u arrestua, pasi gjatë kontrollit të ushtruar nga shërbimet e Policisë, në automjetin tip “Jeep”, që drejtohej nga shtetasi i lartpërmendur, në sediljen e pasme, në çantën personale iu gjet dhe u sekuestrua në cilësinë e provës materiale një armë zjarri pistoletë, tip TT.
Materialet iu referuan Prokurorisë së Rrethit Gjyqësor Shkodër për veprën penale “Prodhimi dhe mbajtja pa leje e armëve luftarake dhe e municionit”, parashikuar nga neni 278 i Kodit Penal. (D.D/Shuplaka)
Discussion about this post