“Qasja ime ndryshe”, Vuçiç për “Le Monde”: Unë nuk lyp në derën e BE-së si Edi Rama

Presidenti serb Aleksandër Vuçiç është pyetur në një intervistë për ‘Le Monde’ në lidhje me Samitin e vendeve të Ballkanit Perëndimor me BE-në në Sofje, për deklaratat e presidentit Macron se BE fillimisht duhet të reformohet dhe pastaj të zgjerohet.

Petjes nëse ka ende kuptim të duash të hysh në BE para vitit 2020 pas këtij qëndrimi të Makronit, Vuçiç i është përgjigjur se “unë kam një qasje ndryshe nga Edi Rama, nuk dua të lyp asgjë.”

“Qasja ime është e ndryshme nga ajo e Edi Ramës (kryeministrit shqiptar). Nuk dua të lyp asgjë. Ne duhet të bëjmë pjesën tonë të punës, duhet të ecim përpara për veten tonë. Dhe po marrim rezultate: për vitin e tretë me radhë, pa ndonjë presion nga jashtë, ne kemi një sufiçit buxhetor. Komisioni mirëpret përparimin tonë ekonomik. Ne e dimë se çfarë duhet të përmirësohet: sundimi i ligjit, liria e shprehjes … Ne kemi nevojë për më shumë investime të huaja.”

Burimi:Intervista e Aleksander Vucic në ‘Le Monde’

(M.Q/Faxweb)