Rigersa Zefi nisi të këndojë që 6 vjeçe dhe në Itali mahniti publikun me ”Ancora” të Minës. Një këngë, që pa vokalin e saj dhe talentin në interpretim, do të qe mjaft e e vështirë për t’u përballuar.
Por, njësoj siç uraganët përfshijnë qytete e ndërtesa, Rigersa ”pushtoi” qytetin e saj të lindjes, vitin e kaluar kur mbajti koncertin recital. Një të tillë, e kanë realizuar pak këngëtarë të talentuar mes të cilëve mjafton të sjellim në kujtesë vitin 1988 kur Mira Konçi këndonte në recitalin e saj vetëm 18 vjeç.
Rigersa u shoqërua nga këngëtarë me emër si Eranda Libohova, Iliard Shaba, Ervin Gonxhi, Endri dhe Stefi Prifti apo Stine që pranuan të ishin pjesë e spektaklit, të cilët u bindën ta shoqëronin në koncertin e saj, vetëm pasi e dëgjuan paraprakisht se si këndonte. Teatri ”Migjeni”, ku u ”strehuan” artistët e mëdhenj me talentin e ri kumboi shpesh nga duartrokitjet, ndërsa tashmë të rinjtë po klikojnë në ”Youtube”, punën e saj me titullin ”Jeto”.
Një këngë, që padyshim prek zemrat e të rinjve, ku pjesë e projektit është edhe violinsti Ervin Gonxhi.
Pas suksesit të Arilena Arës, tashmë Shkodra po krenohet me nje sukses të ri, atë të Rigersa Zefit. Talentet, a janë të gjitha prej Shkodret?! (V.G/SHUPLAKA)
https://www.youtube.com/watch?v=fs86t5zCHiQ&feature=youtu.be
Discussion about this post