Punëtorët e Rafinerisë së naftës në qytetin e Fierit janë ngritur në protestë. Në këtë protestë janë të pranishëm 150 punonjës të kësaj rafinerie.
“Që prej tetorit të vitit 2016 nuk kemi marrë pagat”, u shprehen punonjësit. 150 punonjës i janë rikthyer protestuesve sot në hyrje të uzinës.
Shkaku i kësaj proteste është mos marrja e pagave për dy muaj ndërkohë ata ankohen edhe për mos pagimin e sigurimeve shoqërore që prej 21 muajsh.
“Me ne kanë lozur të gjithë” thonë punëtorët. “Askush nuk na jep në rrugëzgjidhje dhe nuk dimë se cfarë do bëhet me ne, ende nuk dimë se si do zgjidhet problemi jonë, jemi bërë më keq se Zharrëza.
Nuk kemi mundësi në këto kushte të ushqejmë familjen. Jemi të sëmurë dhe nuk marrim do ilaçe se nuk jemi të siguruar. Nuk kërkojmë gjë tjetër veçse bukën e gojës dhe hakun e punës” shprehen ata. (J.V/Shuplaka)
