Nesër qytetarë dhe aktivistë të shoqërisë civile do të mblidhen për të protestuar kundër rritjes së çmimit të ujit të pijshëm, përpara Bashkisë së Tiranës.
Organizuesit e protestës bëjnë me dije se nesër do të protestohet me lodra uji, prandaj ftojnë të gjithë qytetarët që të marrin nga një të tillë me vete.
“Kush ka mundesi dhe deshire, neser te Bashkia te marri nje loder uji me vete. Te vadisim te paudhet se mbase kane nevoje te freskojne mendimet.”, shkruhet në një njoftim të protestuesve.
Kështu protesta e nesërme mund të jetë edhe një formë argëtimi për protestuesit, të cilët po luftojnë për të mbrojtur financat e tyre. Një protest që s’duhet humbur.
Sjellim ndërmend se Bashkia e Tiranës, ka hartuar një projekt sipas të cilit duke rritur çmimin e ujit të pijshëm, brenda 2 vitesh do të mundësohet furnizimi me ujë çdo 24 orë.
Sot u zhvillua dëgjesa publike e Veliajt me këshilltarët e bashkisë, ku këshilltarët e LSI-së kërkuan dy gjera në rast se çmimi do të rritej:
1- rimbursim të familjeve në nevojë
2- diferencim të bizneseve
Në këtë dëgjesë nuk morën pjesë këshilltarët demokratë, të cilët nuk ishin njoftuar. (D.D/Shuplaka)
Discussion about this post