Qëllohet me armë mjeti i fisit Çapja në Elbasan

Një ngjarje e rëndë raportohet të ketë ndodhur pak minuta më parë në qytetin e Elbasanit. Persona të paidentifikuar kanë qëlluar me armë zjarri në drejtim të një automjeti. Ngjarja në fjalë është regjistruar në lagjen ‘Emin Matraxhiu’, por fatmirësisht nuk ka të lënduar.

Mjeti ka qenë me targa AA616AB, më pas është gjetur i djegur në një rrugicë në lagjen ‘5 Maji’, ndërsa ‘’Fax News” raporton se mjeti i përkiste një anëtari të fisit Çapja.

Ndonëse ngjarja është ende e paqartë, policia e cila ka shkuar në vendin e ngjarjes ndërsa aty ka sekuestruar në cilësinë e provës materiale gëzhojat.

Burime zyrtare pohuan se targa që kishte vendosur mjeti ishte e falsifikuar, ndërkohë mjeti me targat origjinale ndodhet tek pronari i tij. Deri më tani nuk dihet objektivi i sulmit, ndërsa policia po heton rreth ngjarjes.

(E.K/FAXWEB)