Ish-shoferi i deputetit të zgjedhur, Arjan Ndoja, ka kallëzuar në Policinë e Tiranës se është qëlluar me armë në drejtim të lokalit të tij. Bëhet fjalë për lokalin e Mondi Vogës, në fshatin Krastë. Ngjarja ka ndodhur rreth orës 01:10, ndërsa blutë njoftojnë se si pasojë e të shtënave ka pasur vetëm dëme materiale, ndërsa po punohet për identifikimin e autorit/ ëve.
49-vjeçari Voga ka shërbyer si shofer i ish-prokurorit Arjan Ndoja, i cili në vitin 2019 iu bë atentat, ndërsa u shkarkua nga sistemi i drejtësisë për shkak të lidhjeve të tij të shumëfishta me krimin por edhe për pasuri të pajustifikuar. Grupi hetimor dyshon qe autoret kane qelluar nga nje distance e larget pasi nga kqyrja e kamerave te sigurise nuk duken as autoret apo as nje automjet qe mund te kene levizur autoret
Edhe në vitin 2017, Vogës iu vendos eksploziv në lokal. Ai është një person me precedent të mëparshëm kriminal. Ai ka qenë një nga personat që ka dhunuar avokatin Ilia Ilia në vitin 2018. Po ashtu, Voga është arrestuar në janar 2020 nga Policia e Tiranës për armëmbajtje pa leje, pasi udhëtonte me një mjet të blinduar dhe me fenelina. Ndërsa në çantë një armë zjarri pa leje, e tipit TT.
Deri në shtator të vitit 2019 ka qenë inspektor mjedisi në Durrës, ndërsa para dy 2018-ës drejtori i ALUIZNI-t në Fushë Krujë. Para disa vitesh vëllait të tij që punon efektiv policie në Tiranë i dogjën makinën dhe i lanë dy granata.
Qëllohet me armë lokali i ish-shoferit të prokurorit, i arrestuar më parë për armë pa leje
