Qëlloi gruan në fytyrë dhe më pas veten, si ndodhi ngjarja në Kamëz. Çifti kishte 5 fëmijë

Kamza është tronditur nga krimi në familje sot, ku burri vrau gruan dhe më pas veten. Dy viktimat janë identifikuar si Halil Lita dhe gruaja Dije Lita.

Paraprakisht mësohet se burri e ka qëlluar gruan në fytyrë me automatik duke e shpërfytyruar, më pas, në gjendje të rënduar psikologjike ka qëlluar veten me plumb në kokë.

Po ashtu si shkak mendohet të ketë qenë xhelozia, ndërsa çifti kishte pesë fëmijë të rritur, 3 vajza të martuara dhe dy djem në emigracion.

Sipas informacionit paraprak nga Policia e Tiranës, thuhet se ka qenë një telefonatë në numrin e emergjencave 112, që ka njoftuar se në zonën e njohur si frutikulturë, në Kamzë, ka të shtëna me armë zjarri.

Menjëherë janë dërguar Shërbimet e Komisariatit të Policisë Nr 5, të cilët kanë konstatuar në banesë të pa jetë shtetasit H. L. dhe D. L. Nga hetimet paraprake është mësuar se shtetasi H. L., ka qëlluar me armë zjarri automatike model 56.

(E.K/SHUPLAKA)