Lajmi se Noizy është shoqëruar në polici është përhaur shumë ditët e fundit. Polica e Durrësit ka shkruar në shtëpinë e reperit dhe e ka shoqëruar atë për në polici pasi motra e Stresit publikoi një video në Facebook ku Noizy gjuante me armë. Motra e Stresit nëpërmjet kësaj videoje kërkoi një sqarim pse ai nuk shpallet në kërkim njësoj si i vëllai i saj.
Lidhur më këtë lajm ka reaguar edhe babai i Noizit, Bashkim Rajku. Në një prononcim për Gazetën Shqiptare ai sqaron se djali i tij nuk është shoqëruar në polici dhe as policia nuk ka shkuar në shëpinë e tij për ta marrë. Por ka qënë Shefi i Komisaritatit i cili i ka telefonuar dhe i ka kërkuar që sëbashku me djalin e tij të paraqiten pranë policisë për të bërë një deklaratë.
“Noizy është si kokra e mollës, s’kemi punë me policinë. S’kemi as kohë as nerva të merremi me këto lajme.Dje ka qënë në Prishtinë dhe u kthye pasi mbaroi koncertin. Më morri në telefon Shefi i Komisaritit dhe më tha që ka dalë një lajm në internet që Noizy ka qëlluar me armë. Dhe unë i thashë ka bërë një klip me Çiljetën ku ka pasur armë. Shkova bashkë me Noizun në polici dhanë një deklaratë dhe erdhëm në shtëpi, as 5 minuta punë nuk ishte”, tha babai.
Nga ana tjetër, ai shpreh dhe indinjatën, përse mediat nuk merren me karrierën e Noizyt, por vetëm me lajme të pavërteta. “Ditët e fundit Noizy është duke përgatitur një bashkëpunim me një këngëtar gjerman dhe asnjë nuk e pasqyroi këtë lajm. Të krenohen se një këngëtar i Shqipërisë ka lidhur një kontratë të tillë”. Në fund nuk harron pa komentuar edhe statusin e motrës së Stresit. “Ato janë video të hershme dhe tani e kanë nxjerrë, janë video të klipeve që i kanë bërë montazh dhe i kanë nxjerrë. Ne s’kemi asgjë me asnjë njeri. Tek e fundit, ajo ka hedhur një status dhe ka të drejtën e saj për të folur. Ne nuk na bën përshtypje fare se çfarë thuhet”, ka mbyllur kështu Bashkimi reagimin e tij. (J.V/Shuplaka)
Discussion about this post