Qëlloi me armë duke lënë të plagosur 38-vjeçarin në Korçë, kapet pas një muaji autori (EMRI)

Është vënë në pranga autori i një plagosje të shënuar më 19 janar të këtij viti në fshatin Bulgarec të Korçës.

Është kryer arrestimi i shtetasit Landi Rozani 32 vjeç, banues në fshatin Podgorie, Maliq. Ai akuzohet se ka qëlluar me armë gjahu në drejtim të banesës së shtetasit 38-vjeçar me iniciale V. F.

Detaje të Policisë së Korçës:

Sektori për Krimet e Rënda në Drejtorinë Vendore të Policisë Korçë, kap dhe ndalon autorin e ngjarjes së ndodhur më datë 19.01.2017, në fshatin Bulgarec ku mbeti i plagosur një shtetas.

Më datë 06.03.2017 nga strukturat e mësipërme u bë kapja dhe ndalimi i shtetasit në kërkim :

Landi Rozani, 32 vjeç, banues në fshatin Podgorie-Maliq.

Ndalimi i tij u bë pasi, Gjykata e Rrethit Gjyqësor Korçë, me vendim nr 20, datë 24.01.2017, ka caktuar për këtë shtetas masën e sigurisë “Arrest në burg”, për veprat penale : “Vrasja me paramendim, mbetur në tentative” dhe “Prodhimi dhe mbajtja pa leje e armëve të gjuetisë dhe sportive” parashikuar nga nenet 78/1 e 22 dhe 280 të Kodit Penal.

(Ngjarja e ndodhur më datë 19.01.2017, ku ky shtetas për motive të dobëta, ka qëlluar dy herë me armë gjahu në drejtim të banesës së shtetasit V.F, 38 vjeç, ku për pasojë ky I fundit, mbeti i plagosur.)

(XH.A/SHUPLAKA)