Ish-gardisti dhe shoferi i Lindita Nikollës, Martin Nikolli, i cili dhunoi dhe qëlloi në ajër me armë zjarri ndaj familjes Kaçi në Hamallaj është lënë sot në burg. Masa u dha nga Gjykata e Durrësit.
E njëtja masë është dhënë dhe për vëllanë e tij.
Mësohet se Gjykata ka dhënë urdhër mbrojtje për familjen Kaçi, të cilët nuk ishin të pranishëm as në seancën e sotme.
Konflikti ndodhi të dielën e 30 Korrikut, ku Martin Nikolla dhe vëllezërit e tij dhunuan anëtarët e familjes Kaçi me shkopa bejsbolli.
Madje shoferi i kryeparlamentares përdori edhe armën e zjarrit të shërbimit, duke qëlluar disa herë në ajër.
Të martën (1 Gusht) Gjykata ka pajisur me urdhër mbrojtje Pjetër Kaçin dhe familjarët e tij.
