Gafurr Mazreku, i cili qëlloi me armë në Kuvend Azem Hajdarin është shpallur sot qytetar nderi në Has. Sipas pushtetit lokal ky nderim i jepet Mazrekut për kountributin e tij për zonën.
Pak ditë më parë PD-ja e kundërshtoi ashpër këtë vendim, duke u shprehur se ky ishte një provokim i rëndë nga ana e socialistëve.
Në mbledhjen e sotme përfaqësuesit e djathtë e braktisën mbledhjen, ndërsa pro shpalljes së Mazrekut si qytetar nderi votuan 13 persona.
Lidhur me këtë vendim ka reaguar jo më larg se dje dhe ish-kryeministri Sali Berisha, i cili shkruante:
Edi Rama dekoron atentatorin e tribunit te lirise Azem Hajdari!
Te dashur miq, urdheri i Edi Rames per dekorimin pas vdekjes te Gafur Mazerekut, njeriut qe i shtyre nga pushteti i atehershem, duke shfrytezuar nje zenke si pretekst shkrehu ne parlament bresheri plumbash mbi liderin e dhjetorit Azem Hajdari, eshte nje akt i pashembullt ne historine e nje vendi te lire.
Me kete vendim Edi Rama deshmon urrejtjen aterore ndaj tribunit te lirise per pushtetin e humbur te eterve te tij.
Te dekorosh njeriun, kriminelin qe pergjaku per here te pare ne histori parlamentin e vendit do te thote te shkrehesh ne emer te tij bresheri te re plumbash mbi gjoksin e heroit legjendar si dhe ti shpallesh lufte Partise Demokratike, demokrateve te Hasit, te Veriut dhe te mbare Shqiperise.
Me kete vendim te pashembullt ne historine e nje vendi te lire, Edvin Kristaq Rama ndjell gjakun ne parlamentin e vendit, perligj vrasjen politike, shperblen dhe nderon per qellime kriminale politike krimin ne teresi dhe krimin politik ne veçanti!
Ky akt kriminal, me te cilin Edivin Kristaq Rama shperblen dhe nderon njeriun qe merite te vetme ka krimin e shemtuar te derdhjes se bresherive te plumbave ne parlament mbi Prijesin e Levizjes Studentore te Dhjetorit 1990, themeluesin e Partise Demokratike dhe pluralizmit politik, perben nje hakmarrje te qarte politike primitive e cila kerkon shpagim! sb
(E.K/FAXWEB.AL)
