Gjykata e Apelit ka lënë në fuqi masën e sigurisë “30 ditë burg” për Ilir Sketilaj, personin që goditi me këpucë kryeministrin Rama, ndërsa ky i fundit po vizitonte në spital policen Ina Nuka dhe efektivët e tjerë të dëmtuar gjatë protestës së banorëve të Astirit.
Pak ditë më parë Gjykata e Tiranës dha këtë masë sigurie për Sketilajn, ndërsa sot shkalla e dytë e gjyqësorit la të njëjtën masë në fuqi.
“Goditja me këpucë ishte një një formë protestë ndaj kryeministrit”, tha Sketilaj për Fax News në lidhje telefonike. 50-vjeçari u shpreh se është shoqëruar nga policia pavarësisht se nuk ka qenë pjesë e protestës.
Sketiraj shtoi se ka qenë në një kafe pak larg protestës dhe se madje i ka kërkuar prokurores të hapë kamerat.
“Kur kryeministri u martua dhe u bë me fëmijë, thamë se tashmë e di se çfarë s’është shtëpia e çfarë është familja, por ai nuk pas mësuar asgjë. E njëjta gjë edhe për Veliajn, por as ai s’ka bërë asgjë. Iliri s’ishte në protestë, e kanë shoqëruar me protestë të paligjshme. Unë personalisht nuk ka dalë në protestë.
Ç’është ky komunikim barbar se kuptoj. Jo me këto idera prish shtëpi e bëj masakra. Unë kam qenë në një lokal duke pirë kafe gjatë protestës, i kam thënë prokurorores të hapi kamerat për ta verifikuar. Unë nuk kam kundërshtuar fare.
Unë kam dashur të them zoti kryeministër ju se keni mirë kshu. Nuk kemi nevojë për kryeministër rrugaç, larg servilat”, tha pak ditë më parë ai për Fax Neës nga ambientet e paraburgimit.
Discussion about this post