“Situata nuk paraqiste elemente të rrezikut, sepse nuk kishte elemente që sugjeronin se kriminelët ishin të armatosur”, ky është motivimi i dënimit edhe në apel për oficerin Mirco Basconi, 42 vjec i cili në shkurt 2015 qëlloi dhe vrau një hajdut shqiptar gjatë një ndjekje në Ostra Vetere, shkruajnë mediat italiane.
Karabinieri italian pasi ishte dënuar në shkallën e parë ka humbur betejën edhe në Apel për vrasjen e shqiptarit 24 vjecar Korab Xheta i cili vdiq pas disa ditësh. Sipas policit plumbi kishte bërë rikoshet dhe kishte qëlluar në kokë shqiptarin.
Ai në shkallën e parë ishte dënuar me i vit burg dhe më pas e apeloi, por edhe në Apel akuzat nuk kanë rënë, ndërsa dënimi është reduktuar në 7 muaj e 10 ditë burg. (B.H/Faxweb)
Discussion about this post