Kryeministri Edi Rama ka nxjerrë një urdhër që ndalon punonjësit e administratës publikë, të marrin pjesë në fushatën zgjedhore, mirëpo mesa duket nuk po zbatohet.
Emisioni BOOM në televizionin Ora News, ka bërë një vëzhgim të pjesëmarrjes së administratës në fushatën zgjedhore.
Gazetarët e BOOM kanë shkuar në Qendrën Shëndetësore numër 1 në Lushnjë, por stafi i këtij institucioni kishte shkuar në takimin elektoral të PS-së në Fier.
Orari zyrtar i Qendrës Shëndetësore është deri në orën 21:00 të mbrëmjes, por ama deri në dy orë më përpara, stafi nuk ishte i pranishëm.
Vëzhgimi i BOOM
Punonjësja: Më thanë që kishit filmuar dhe po bënit debate me personat
Gazetarja: Ne nuk bëmë debate dhe nuk i folëm askujt, erdhëm dhe na kërcënuan dhe ne prap ikëm
Punonjësja: Jo, ju vajtët për të filmuar, nuk është problemi se ju kërcënuan kot, se kot nuk besoj se ju kërcënojnë.
Gazetarja: Ku vajtëm?
Punonjësja: Për të filmuar autobusat
Gazetarja: Jo ishim në makinë
Punonjësja: Po pra nga makina po flimoni? Po bëjmë ndonjë shkelje ligji
Gazetarja: Jo
Operatori: Po ne ça shkelje po bëjmë ?
Punonjësja: Po jo pra se po rrini të gjithë këtu dhe kujtoni se po na fusni frikën. Hajde ta them unë, hapet fushata elektorale vëllai i dashur. Nuk jemi as në kundërshtim me ligjin.
Gazetarja: Stafi mjekësor ku është ?
Punonjësja: Nuk kam staf mjekësor unë
Gazetarja: Janë 40 veta që kanë ikur nga puna (D.D/Shuplaka)
Discussion about this post