Duke filluar prej 31 korrikut të këtij viti, Kanada jep viza qëndrimi në këtë shtet.
Mësohet se vizat janë për kryrejen e studimeve, leje pune si edhe për qëndrim të përhershëm në Kanada.
Si fillim bëhët me dije se çdo kandidatë duhet të jap shenjat e gishtave si dhe fotot të cilat duhet të jenë bimoetrike, shkruan televizioni Scan.
Ky zgjerim i programit biometrik do të prekë të gjithë shtetasit e huaj nga Europa, Lindja e Mesme apo Afrika.
“Po. Ne ju kërkojmë që të jepni shenjat e gishtave dhe biometrinë tuaj në mënyrë që të sigurohemi që askush tjetër të mos e përdorë identitetin tuaj për të aplikuar. Kjo ndihmon zyrtarët e vizave për të verifikuar identitetin tuaj”, thuhet në një njoftimin të faqes zyrtare të qeverisë kanadeze.
“Shtetasit e huaj midis moshave 14 dhe 79 vjeç janë të nxitur që të japin të dhënat e tyre biometrike në qendrën më të afërt të aplikimit për viza kanadeze”.
Këto të dhëna jepen vetëm kur aplikohet për herë të parë për vizë në Kanada. Dhe janë të vlefshme për 10 vjet.
“Pas kalimit të këtij afati ju duhet ti rijepni sërish këto të dhëna”, sqarohet në faqe.
Aplikimi për vizitë do të kushtojë 85 dollarë kanadezë për aplikime personale ndërsa për familje të cilat aplikojnë së bashku do të paguhet një shumë maksimale deri në 170 dollarë.
Ndërsa për grupet e artistëve me 3 apo më shumë interpretues që aplikojnë për leje pune, shuma maksimale në total shkon 255 dollar kanadezë.
