I ftuar në studion e FaxNews është avokati Ledio Braho ka folur për situatën e tensionuar për Gjykatën Kushtetuese, por edhe për shkarkimin e prokurorit Besnik Muçi.
Braho u shpreh se shkarkimi i Muçit ishte i pritshëm, pasi për çdo ankim në KPA që është bërë ka patur vetëm shkarkime. Avokati tha se Gjykata tashmë është një hap pas, dhe do të hapen sërish vakancat. Braho theksoi se është pasojë e Këshillit të Emërimeve në Drejtësi që sot kemi sërish një vakancë në Gjykatë. I pyetur nëse Besnik Muçi do të jetë anëtar i Gjykatës, Braho tha se ligjërisht ai deri në mbarimin e mandatit do të jetë anëtar i Gjykatës.
“Vendimi i Kolegjit të Posaçëm të Apelit, ishte një vendim i pritshëm, për çdo ankim në KPA që është bërë ka patur vetëm shkarkime. Është një hap pas Gjykata Kushtetuese, jo se ishte funksionale me pesë anëtar, por me katër anëtar, do të hapen sërish vakancat. Nuk është situatë e thjeshtë, sipas Kushtetutës dhe ligjit për Gjykatën Kushtetuese, mbarimi i mandatit të Muçit duhet të bëhet nga Gjykata Kushtetuese, por meqë Gjykata nuk është funksionale, nuk dihet si do veprohet. Një zgjidhje mund të jetë, që vetë kryetarja në detyrë Vitore Tushe nëpërmjet një shkrese apo një vendimi, të konstatojë mungesën e mandatit apo mbarimin e mandatit të Muçit, për shkak të vendimit të KPA-së, mund ti kërkojë Presidentit hapjen e një vendi vakantë.”
Pyetje: Besnik Muçi tha se vijon të jetë anëtar i Gjykatës Kushtetuese, pra sa e vërtetë është kjo?
Ledio Braho: Ky argument është thënë që në fillim, që ai është anëtar i Gjykatës Kushtetuese, por problemtatika do parë që nga vendimarrja e KED, për pjesën e lejimit të kandidimit të Muçit, por jo vetëm. Një rregullore që është miratuar nga KED, ka qënë edhe pjesa se si do të bëhej verifikimi i kushteve dhe kritereve ligjore për kandidimin e magjistratëve. KED pavarësisht se, Besnik Muçi apo të tjerë kandidatë, kishin një vendim nga KPA, dhe pse jo i formës së prerë, KED duhej ti referohej veprimeve të marra nga KPK. KED ndoqi një rrugë tjetër, dhe është pasojë e saj që sot kemi sërish një vakancë në Gjykatë.
KED nuk i ka bërë vlerësim pasurie Muçit, por është bazuar në vendimin e KPK-së. Vendimi i sotëm i KPA-së solli shkarkimin e prokurorit, e bën të pa bazuar qëndrimin e KED. Pra, Muçi nuk plotëson vetëm një nga 3 kushtet për të qënë pjesë e Gjykatës.
Pyetje: Sipas mendimit tuaj avokat, a duhet Besnik Muçi të jetë anëtar i Gjykatë Kushtetuese?
Ledio Braho: Ligjërisht, Muçi deri në mbarimin e mandatit do të jetë anëtar i Gjykatës. Por nga vendimi i KPA Muçi nuk është anëtar i Gjykatës. Dua ta theksojë, e gjithë kjo ka ardhur si pasojë e KED.
Muçi duhet ti drejtohet për procesin e Vettingut, mund ti drejtohet vetëm Gjykatës Ndërkombëtare të të Drejtave të Njeriut.
