Gazetari i njohur sportiv Saimir Demi ishte i ftuar mbrëmë në emisionin “Rubrika Sportive” në RTSH dhe duke komentuar takimin mes Lushnjës dhe Kukësit, përfunduar me fitoren e verilindorëve me rezultat 1-2, përdori një fjalor të papërshtatshëm për futbollistin e kukësit Elton Kale kur tha se “Ai braziliani i Kukësit, Kale, është qënia më e shpifur që kam parë në fushat e futbollit”.
Për këtë, ka reaguar ashpër klubi i Kukësit, përmes një deklarate për shtyp ku kritikon deklaratën e Demit dhe i kërkon atij ta rilexojë edhe njëherë atë që ka thënë. Sigurisht në këtë kritikë nuk mungon ironia, teksa verilindorët shkruajnë: “Duke besuar se je i kthjellët”.
Klubi i ka vlerësuar këto deklarata si urrejtje dhe racizëm ndaj futbollistit Kale.
REAGIM:
Futboll Klub Kukësi reagon ndaj ofezave dhe deklaratave të gazetarit sportiv Saimir Demi.
FK Kukësi, shpreh indinjatë të thellë për deklaratat e papërgjegjshme të gazetarit sportiv, Saimir Demi, bërë mbrëmë në “Rubrika Sportive”, në RTSH, datë 04.03.2018.
Ky gazetar mbrëmë arriti kulmin duke shprehur dhe racizëm e urrejtje ndaj lojtarëve të klubit tonë , por ofezat dhe dekleratat kundër nesh nuk i ka kursyer asnjëherë, ashtu sikurse edhe rasti i ndeshjes me Lushnjen, ku nga një ndërhyrje e gabuar ndaj Kales, gjyqtari i ndeshjes dha karton të kuq për Çelën.
Ne nuk po ndalemi të diskutojmë këtë ngjarje por me deklaratën e bërë mbrëmë në emisionin “Rubrika Sportive”,në RTSH.
Ftojmë dhe lexuesit dhe opinionin sportive, që të të japë vetë vlerësimet për dekleratën e Demit, të cilën po e risjellim të plotë.
“Ai braziliani i Kukësit, Kale, është qënia më e shpifur që kam parë në fushat e futbollit, ai që mori të kuqin e meritonte, po ky tipi nuk e di se çfarë është. Kjo është një skenë që e bën në çdo ndeshje, është gjithmonë e njëjta, shihni çfarë bën. nuk kam parë një njeri si ky. Kartoni i Çelës është idiotësia më e madhe e madhe e gjyqtarit, atë karton më mirë ta përdorte si letër higjenike”, – ka deklaruar mbrëmë , gazetari Saimir Demi.
E ftojmë z. Demi ,duke besuar se sot është më “i kthjellët”, që ta rilexojë këtë dekleratë publike të tij, dhe nëse ka pak profesionalizëm , apo qytetari të kërkojë ndjesë publikë, lojtarit që e ka fyer, klubit dhe shikuesve që e ndjekin. Të shohë nëse pozicioni i një gazetari, apo analisti arrin deri këtu.
Lojtari në fjalë është ndër pikat kryesore të Kukësit, dhe duket qartë në rreshtat e deklaratës së Demit , se aty ka mllef, përçmim dhe rarcizëm. Nuk është në dinjitetin e një gazetari, aq më shumë të një shqiptari që të shpreh kosniderata të tilla për një të huaj që ka veshur bluzën e një klubi shqiptar.
Ne si klub nuk i diktojmë asnjë gazetari, apo media se çfarë duhet të bëje dhe çfarë duhet të deklarojë,. Ne respektojmë pavarësinë e medias dhe të mendimit të lirë, por nuk pranojmë fyerje përbuzje dhe racizëm. Futbolli i bashkon të gjithë njerëzit pavarësisht vendin, origjinës, ngjyrës rracës dhe fesë.
FUTBOLL KLUB KUKESI
(B.H/Faxweb)
Discussion about this post