Një grua ka vdekur pasi ajo u sulmua nga dy qen, ka thënë policia. Fqinjët thanë se mamaja e tre fëmijëve Elayne Stanley, 44 vjeç, u kafshua nga qentë në Rrugën Graham, Widnes, mbrëmjen e të martës.
Ata raportuan se kishin dëgjuar britmat nga shtëpia e tarracuar para se policia të arrinte për të gjetur zonjën Stanley të plagosur rëndë.
Në momentin e sulmit, në shtëpi ndodhej edhe vajza e vogël e 44-vjeçares, e cila ka dalë me vrap në rrugë, duke kërkuar ndihmë. Fqinjët thanë se u përpoqën të largonin qentë duke i goditur ata me tulla nga dritarja, por nuk arritën ta shpëtonin gruan, raporton BBC.
Fqinjja Marie Airey tha se ajo “dëgjoi ulërima” në kohën e sulmit: “Dëgjuam ulërima të tmerrshme, kur dolëm jashtë pamë njërën nga vajzat ke cila na the se mamanë e saj po e sulmonin qentë. Shkuam atje dhe u përpoqëm ta shpëtonim. I goditëm me tulla, por nuk mund të futeshim brenda”.
Qentë u qëlluan më pas nga policia. Qentë ishin bulldog amerikanë, ndërsa e vajza ka treguar se ata filluan ta sulmonin mamanë e saj, pasi një zënke që ajo pati me të.
(M.Q/Faxweb.al)
Discussion about this post