Pas deklaratave të analistit Baton Haxhiu se kryeministri Edi Rama dhe kreu i LSI-së Ilir Meta do të hyjnë bashkë në zgjedhje, reagon gazetari Bledian Koka.
Sipas tij me këtë deklaratë, Haxhiu thjesht po konfirmon miqësinë e tij me kryeministrin shqiptar. Përmes një postimi në rrjetet sociale, Koka ironizon Haxhiun duke thën se Basha akoma po mban barkun nga të qeshurat.
“Deklarata e Baton Haxhiut se Rama dhe Meta e kanë mbyllur marrëveshjen për tu vijuar sërish koalicionin edhe pas zgjedhjeve të 18 Qershorit, është një deklaratë me të cilën qeshi Monika Kryemadhi, u gajas Sali Berisha, akoma po mban barkun me dorë Lulzim Basha dhe e beson vetëm Edi Rama dhe kompania Devolli.”, shkruan Koka.
REAGIMI I PLOTË I KOKËS
Ku t’i kërkoj rrënjet e tua Baton?
Deklarata e Baton Haxhiut se Rama dhe Meta e kanë mbyllur marrëveshjen për t’u vijuar sërish koalicionin edhe pas zgjedhjeve të 18 Qershorit, është një deklaratë me të cilën qeshi Monika Kryemadhi, u gajas Sali Berisha, akoma po mban barkun me dorë Lulzim Basha dhe e beson vetëm Edi Rama dhe kompania Devolli.
Kjo e fundit është i vetmi hall i shqiptarit të Kosovës që bën sikur i ka në majë të gishtave hallet e Shqiperisë. Po të shkosh në Prishtinë e të pyesësh ku i ka zyrat kompania Devolli, prishtinaliu erudit ta kthen “a po m’vet për zyrat e Batonit a?”.
Qeveria shqiptare e kryeministrit mik të Batonit ka miratuar një ligj në vitin 2014 që lejon importimin e miellit të standardit 9%, ndërsa kompanitë tona vendase besojeni ose jo prodhojnë miell të cilësisë 12%. Për këtë arsye furrat e bukës në të gjithë vendin në shumicën dërrmuese të tyre, kanë me leverdi të importojnë miell krrunde nga kompania e Baton Devollit, sesa ta blejne atë në vend. Dhe si përherë ata që i hanë krrundet jemi në veremlinjtë që kemi ngulur syte sot tek Klani me dëgju Batonin se ça po na thotë. Ua thashë këtë që ta dini sesa herë të fusni çapën e bukës në gojë, Batonin e keni aty, mu në bukën 700 gramshe që ju shitet me çmimin e 1 kilogrami.
Ua thashë këtë që ta dini se kishit mundësinë të hanit bukë me miellin vendas, por Batoni me firmën e Kryerilindasit të tij mik po na e kon çdo vakt miellin e Serbisë. Ua thashë këtë që ta dini se në 18 Qershor ose diku në shtator, Batoni dhe shqiptarët kanë një takim me bukën e gojës, Haxhiu për miellin serb e ne kundër tij!…
p.s…ja pra, ndonjëherë vatani shitet edhe për një grusht miell, e nëse Batoni për këtë çmim nuk e quan Shqipërinë tokën e tij, shumë prej nesh dashtë Zoti e konsiderojmë ende si të tillë. (D.D/Shuplaka)
