Që prej fillimit të sezonit turistik qyteti bregdetar i Shëngjinit ka pritur pushues të huaj dhe vendas, ajo çka mbetet problematike për pushuesit janë prania e insekteve sidomos gjatë orëve të mbrëmjes.
Nga ana tjetër subjektet shprehen se janë detyruar të marrin masa vetë për dezinfektimin e ambienteve duke shtuar më tepër shpenzim për vetë biznesin.
Një prej pronarëve të hoteleve shprehet: Kemi kërkesa për pushime, situata është e mirë, pushuesit janë të kënaqur, por ne kemi problemin e mushkonjave, pastërtia është në maksimum. Nuk ka pasur asnjë lloj dizinfektimi, ne nuk kemi parë asgjë.
Nëse do të ishte bërë dizinfektimi, nuk do të kishte kështu, edhe mua vetë më kanë masakruar mushkonjat. Duhet të interesohet dikush, nuk rrinë të qetë pushuesit, nuk flenë të qetë, ishin duke marrë dega pemësh në shëtitore, dhe po ruheshin nga mushkonjat.
Vetë pushuesit shprehen të kënaqur me Shëngjinin, edhe duke ditur afërsinë që ka kryesisht me Kosovën.
Burime pranë shëndetit publik bëjnë me dije se situata po monitorohet, por ende nuk është marrë asnjë masë.
Prania e insekteve mbetet një problem shqetësues jo vetëm për Shëngjinin por edhe Lezhën apo Lagunën e Kune Vainit.
Discussion about this post