Një nga ndryshimet e qeverisë ‘’Rama2” është padyshim bashkimi dhe shkrirja e disa ministrive. Dy prej ministrive që janë bashkuar me ndërtimin e qeverisë së reështë ministria e Turizmit dhe ajo e Mjedisit, drejtimin e të cilës do ta ketë Blendi Klosi.
Po për Petrit Vasilin ky bashkim nuk bën gjë tjetër veçse tregon injorancën e kryeministrit Rama. Ai thotë se turizmi dhe mjedisi që qëndrojnë në oponencë me njëri-tjetrin falë injorancës së frikshme Ramës bëhen bashkë.
‘’ Turizëm dhe mjedis bashkë, injoranca bën festë. Kryeministri shkollëpak çuditi dynjanë dje me injorancën e padëgjuar shtetërore të tij. Turizmin dhe mjedisin, oponentët e papajtueshëm të njëri-tjetrit, injoranca e frikshme e kryeministrit i vuri bashkë.
Turizmin, nga mundësi madhore zhvillimi e ktheu në hiç. Turizmi i drogës ka rëndësi për të dhe ai ka shënuar vërtetë suksese.
Do të kemi qeverinë më të kriminalizuar, por edhe kryeinjoranten e Europës. Shkollëpaktit aferim”, shkruan Vasili.
Përveç shkrirjes së disa ministrive ndryshimet në qeverinë Rama 2 do të prekin dhe një sërë drejtorish që do të bëhen bashkë.
(E.K/SHUPLAKA)
Discussion about this post