Ndërkohë që pak kuti kanë mbetur për të numëruar, të cilat do të pëmbyllin këtë proces të zgjedhjeve të parakohshme në Kosovë, asnjë prej partive që janë grupuar në 5 koalicione nuk munden të formojnë të vetme qeverinë.
Deri më tani, koalicioni PAN, i përbërë nga PDK, Aleanca për Ardhmërinë e Kosovës dhe partisë Nisma përbëjnë 34.6% të votave. Ky koalicion garoi nën emrin e Ramush Haradinajt si kandidat për kryeministër.
Në vend të dytë u rendit Lëvizja Vetëvendosje dhe në vend të tretë koalicioni LDK-AKR-Alternativa me kandidat për kryeministër Avdulla Hoti. Ndërsa Lista Serbe arriti të sigurojë mbi 5% të votave.
Pavarësisht se mbrëmjen e djeshme koalicioni me në krye Haradinaj shpalli fitoren, nuk mundet të mandatojë qeverinë e re me 34% të votave dhe as një koalicion me Listën Sebe nuk do të bënte punë.
Një koalicion i PAN me LDK-AKR-Alternativa do krijonte një qeveri me bazë më të gjerë, çka do të linte mënjanë Lëvizjen Vetëvendosje që renditet e dyta. Por në rast dështimi, edhe nëse Vetëvendoje do të marrë mandatin për krijimin e qeverisë, do i duhet të kërkojë votat e koalicionit mes LDK-së, Aleancën Kosova e Re dhe Alternativës .
Deri tani, asnjëra prej të trejave nuk është shprehur lidhur me ndonjë bashkëpunim të mundshëm me njëri-tjetrin.
(XH.A/SHUPLAKA)
Discussion about this post