Banorët e Shkozës në kryeqytet kanë nisur sot sërish protestë kundër prishjes së banesave të tyre. Me tymues në dorë ata janë nisur në drejtim të Ambasadës Amerikane ku do të mbajnë dhe protestën.
Ata thonë se me projektin janë njohur vetëm pak ditë më parë, ndërsa thonë që rrjedha e lumit është devijuar me dashje. Po ashtu banorët iu kanë dërguar letra dhe ambasadave që ndodhen në vendin tonë, të SHBA-së apo BE-së.
Po ashtu tre ditë më parë banorët protestuan në rrugë, duke bllokuar qarkullimin, ndërsa shumë prej tyre u shoqëruan në ambjentet e Policisë. Një ditë më vonë qeveria premtoi zgjidhje po mesa duket kjo ka qenë gënjeshtra e rradhës e bërë nga pushteti qendror.
“Kam që në vitin ’88 me leje ndërtimi, konform rregullave. I kam të gjitha dhe si përfundim më kanë aprovuar vetëm si ndërtesë si truall jo. Ne nuk jemi kundër projekteve, po nuk mund të vijnë këta kështu, pa na thënë asgjë, pa asnjë shkresë”, thotë njëri nga qytetarët e pranishëm në protestë.
(E.K/SHUPLAKA)
Vijon…
Discussion about this post