Shkarkimi apo jo i Saimir Tahirit ditën e djeshme trazoi jo pak fundjavën. U komentua gjerësisht nga të gjithë, qofshin këta njerëz të medias apo edhe qytetarë. Një ndër ta që ka komentuar këtë l;argim ka qenë edhe profesori i filozofisë, Përparim Kabo.
Ai ka thënë se qeveria nga shprehja ne jemi më të mirët e të gjithë historisë, tani po ikën malit përpjetë për fushatë.
‘’Skema unë sulmoj ata mbrohen po rrëzohet, sepse ata po ikin jo për fushatë por do marrin arratinë fushave dhe pllajave madje dhe thellë maleve ku ka burgje…Por dhe sulmi kundër tyre mbetet pa objekt dhe ata që urdhëruan ikjen e të parëve, kanë dorëzuar dhe listën e të djeshmëve dhe ata do ikin nga sytë këmbët…Historia tani fillon….
Sa pagjumësi ka, si te Arpagoni natën u ndrohet vendi në kopësht qypave me flori….Eh popull vetëm hakës tënde si shpëton dot kush…
”Qeveria më e mirë në të gjithë historinë e shtetit shqiptar” mbureshe dje…sot po ikën malit përpjetë për fushatë…Hajde panik hajde…Buka e popullit është pushteti, fat i popullit dhe mallkimi tij nuk fal more të pangopur që për 27 vite si shushunja e thithët atdheun, pasuritë kombëtare dhe pronën e individt…Një ditë do të shihnit se sa të dobët dhe të pavlerë jeni…Ajo është shumë pranë…Shqipëria është e atdhetarëve dhe jo e kusarëve…’’, shkruan Kabo.
Discussion about this post