‘’Qeveria nuk është hotel që t’iu lihen ca dhoma dhe kryeministria nuk është suitë që të vijnë të bëjnë dush ata që kanë 50 ditë në protestë’’

Kryeministri Edi Rama ka qenë i pranishëm sot në një takim me të rinjtë që votojnë për herë të parë në Shkodër.  Duke folur për qeverinë e besimit Rama u shpreh se qeveria nuk është hotel që ca dhoma t’iu lihen ca të tjerëve.

‘’Nuk është pa shkak që ne e kemi nisur takimin e parë me votuesit e parë, pasi ka një rëndësi themelore për ne që të kuptohet se zgjedhjet e qershorit nuk janë për të votuar për një parti ose për një tjetër, po për të votuar për një Shqipëri më të mirë.

Në 18 qershor është e rëndësishme të ndahen dy rrugët, të kthehemi te Shqipëria që kishim apo të shkojmë drejt Shqipërisë që duam. Ju e dini mirë se kush ngujohet ka diçka që fshihet, kush ngujohet ka një faj shumë të madh, kush ngujohet ka frikë nga ballafaqimi. Unë e kam thënë edhe më parë që burrat shqiptarë po të mos kishin gratë do të ishin sot në rrugë.

Ne e dimë që ti e di që ne po erdhëm në zgjedhje ca na ne duhet të futen në burg, ne e dimë se ka vetëm një forcë që nuk ka frikë nga drejtësia dhe kjo forcë është Partia Socialiste e Shqipërisë. Ca është qeveria hotel ‘Rozafa’ që ne lëshojmë ca dhoma dhe futen ca të tjera. Pse mo ça është qeveria ca karrige ëë, është përgjegjësi. Të jesh kryeministër nuk do të thotë të jesh te suita e hotelit dhe t’iu lësh të tjerëve të bëjnë një dush se kanë 50 ditë në çadër. Të jesh qeveri do të thotë të bësh atë që të imponon interesi publik’’, u shpreh Rama. (E.K/Shuplaka)