Pavarësisht protestave me gjysmë milionë njerëzish në shesh qeveria rumune nuk dha dorëheqjen. Edhe pse ditët e fundit numri i protestuesve ka rënë, por sërish rrugët dhe sheshet janë plot me ata që nuk heqin dorë deri në dorëheqjen e kryeministrit Sorin Grindeanu.
Të hënën dhe të martën numri i protestuesve ishte mbi 250.000 , kurse të mërkurën dhe të enjten pjesëmarrja ka rënë në rreth 5000 në Bukuresht dhe disa mijëra në qytete të tjera. Rumunët kanë mbushur Sheshin e Fitores në Bukuresht në ditën e shtatë të protestave masive, ku kanë kërkuar dorëheqjen e qeverisë se udhëhequr nga Social Demokratët. Arsyeja mbetet dekreti që amnistonte të gjithë zyrtarët e dënuar për korrupsion, pavarësisht tërheqjes së tij dhe pavarësisht dorëheqjes së Ministrit të Drejtësisë, hartues i draftit.
Më herët, të martën, presidenti i Rumanisë kritikoi qeverinë në parlament për miratimin me shpejtësi dhe në mënyrë të fshehtë të dekretit një javë më parë, pa e diskutuar çështjen fillimisht në parlament. Megjithatë, Iohanis ka mbështetur qeverinë përtej protestave më të mëdha që kanë përfshirë vendin që prej rënies së sistemit komunist në vitin 1989. Protestat pritet të zgjasin deri në fundin e javës. (E.K/SHUPLAKA)
Discussion about this post