Gazetari dhe analisti Andrea Stefani ka ndërruar jetë që prej dhjetorit të vitit të shkuar ndërkohë që qeveria ka miratuar një pension të posaçëm për familjarët e tij.
Vendimi është marrë dy ditë më parë në mbledhjen e Këshillit të Ministrave. Sipas këtij vendimi, qëllimi është që të ofrohet mbështetje financiare për familjarët e të ndjerit Andrea Stefani. VKM 21. Për dhënie pensioni të posaçëm familjarëve në ngarkim të të ndjerit Andrea Stefani.
Po çthotë ligji për pensionet e posaçme dhe personat të cilët duhet ta gëzojnë këtë shpërblim:
-Kanë marrë pjesë në lëvizjen e Rilindjes Kombëtare, në lëvizjet popullore, në Luftën kundër pushtuesve nazifashistë brënda dhe jashtë Shqipërisë, në mbrojtjen e kufirit dhe ruajtjen e integritetit territorial të Shqipërisë, në lëvizjen demokratike dhe që kanë merita të veçanta;
-Kanë arritur rezultate të dallueshme në fushën e shkencës, kulturës, arteve, ekonomisë dhe politikës;
-Kanë vuajtur nga persekutimi politik nën rregjimin komunist.
Një reagim për këtë ka pasur edhe gazetari Edmond Arizaj. Sipas tij pavarësisht kountributit të Stefanit nuk ështe e drejtë që këto shpërblime t’iu jepen gazetarëve.
‘’Pension i veçantë për Andrea Stefanin me VKM. Ta gëzojnë familjarët. Këtë lloj pensioni e përfitojne shkrimtarë, aktorë, kengetarë, sportistë…me emër dhe kontribut në shoqëri dhe me karriera të spikatura.
Nuk po dua të komentoj më shumë (ndonjë shpirtzi do pyeste: larg qoftë, kur të vijë koha, PD do ti lidhë pension të posacëm Fahri Balliut?), por dua të di nga gazetarët e kulturës Bujar Lakos i është lidhur një pension i tillë? Unë jam vetë gazetar, por mendoj që aktualisht profesioni ynë nuk i meriton leket e taksapaguesve, as para e as pas vdekjes…Ky lloj shpërblimi më duket fyes, si për atë që s’është më, si për të gjallët…’’, shkruan Arizaj. (E.K/SHUPLAKA)
