Qeveria turke ka shpallur ditën e sotme programin e ri shkollor, i cili përjashton teorinë e evolucionit të Charles Darwinit.
Unioni i mësimdhënësve u shpreh se programi i ri shkollor “është një hap i madh në drejtim të gabuar”.
“Politikat e reja që ndalojnë të mësuarit e evolucionit dhe kërkojnë nga të gjitha shkollat të kenë dhomë për lutje, shkatërrojnë parimet e sekularizmit dhe parimet shkencore të arsimit”, tha kryetari i Unionit të Punëtorëve të Arsimit dhe Shkencës.
Ndërkohë që Ministri i Arsimit, Ismet Yilmaz, tha se teoria e Darwinit nuk duhet të përmendet deri në universitet. “Ajo është mbi nivelin e nxënësve”, tha Yilmaz.
(S.SH/Shuplaka)
