Qindra njerëz janë vrarë në një rrëshqitje dheu pranë kryeqytetit të Sierra Leones, Freetoën, pak ditë më parë, mes tyre 109 fëmijë.
UNICEF, organizata që punon për mbrojtjen e të drejtave të fëmijëve, si dhe mbështetjen e fëmijëve në vendet më të vështira në botë, ka reaguar lidhur me këtë situatë, duke u përgjigjur në terren familjeve të zhvendosura, të prekura nga përmbytjet dhe rrëshqitjet e tokës, për nevojat e tyre.
Mediat ndërkombëtare shkruajnë se numri i të vdekurve pritet të rritet me mbi 600 vetë, duke përfshirë edhe shumë fëmijë ende të pagjetur.
“Shkalla e dëmit është i pashembullt”, tha Përfaqësuesi i UNICEF Hamid El-Bashir Ibrahim, sot në Pallatin e Kombeve.
“Fëmijët janë lënë të pastrehë, të pambrojtur dhe të tmerruar. Ne duhet të bëjmë gjithçka që mundemi për t’i mbrojtur ata nga sëmundjet dhe shfrytëzimi “.
Ekipet e UNICEF-it u janë përgjigjur nevojave të një numri të madh të fëmijëve dhe familjeve të prekura, veçanërisht duke siguruar ujë të pijshëm dhe kanalizime të sigurta dhe duke ofruar furnizime duke përfshirë ilaçe, tenda dhe doreza pas kërkesës së Qeverisë për mbështetje.
Më shumë se 3,000 njerëz kanë humbur shtëpitë e tyre nga kho fatkeqësiqë ka prekur qytetin. Një kodër në zonën Regent u shemb herët të hënën pas shirave të mëdha, duke lënë shumë shtëpi të mbuluara me baltë. (D.D/Shuplaka)
Discussion about this post