Sipas deklaratave zyrtare nga Ministria e Shëndetësisë, Shqipëria vijon që të mbetet e paprekur nga koronavirusi, ndërkohë që për më shumë se 2 muaj, janë kryer vetëm 29 raste.
Shefja e Epidemiologjisë në ISHP, Eugena Tomini tha se gjatë ditës së djeshme janë kryer tre testime të reja, të cilat kanë rezultuar negative.
“Deri në mbrëmjen e djeshme janë testuar 29 raste dhe të gjitha kanë rezultuar të gjitha negative. Nga survejanca e përforcuar në pikat kufitare ajrore, detare dhe tokësore theksojmë se po kryhet monitorimi i temperaturës për të gjithë shtetasit që hyjnë në territorin e Republikës së Shqipërisë.
Në 24 orët e fundit në total janë monitoruar 13672 persona dhe janë testuar 3 raste që kanë rezultuar negative. MSH rekomandon udhëtarët që kanë ardhur nga zonat e prekura nga virusi dhe që kanë patur kontakte me njerëz të infektuar të vetëkarantinohen për 14 ditë.
Gjithashtu gjatë 24 orët e fundit në Qendrën e Urgjencës Kombëtare janë pritur 1400 telefonata prej të cilave vetëm 57 me probleme respiratore. Nëse qytetarët kanë shenja të infeksionit viral të telefonojnë në 127”, tha Tomini.
Ajo që të bën përshtypje në vendin tonë është numri shumë i ulër i testimeve, në një kohë që shumë qytetarë shprehen se kanë pasur simptoma të ngjashme me koronavirusin, ndërkohë që një 45 vjeçar nga Skrapari humbi jetën pak ditë më parë, ndërsa u tha se ishte prekur nga sëmundja pleumonare.
Lexo edhe:
(E.K/Faxweb.al)
Discussion about this post