Qendra Kombëtare e Biznesit (QKB) njoftoi se ka nënshkruar një marrëveshje me Institutin e Ekspertëve Fiskalë (IEF).
Kjo marrëveshje ka si qëllim lehtësimin dhe përmirësimin e cilësisë së raportimit financiar të subjekteve në Shqipëri.
Marrëveshja mundëson dhe Ofrimin pa Pagesë të platformës digjitale SmartFin, një zgjidhje për bizneset shqiptare për fiskalizim elektronik, kontabilitet dhe auditim në kohë reale.
Gjithashtu do të mundësohen programe trajnimi falas nga IEF për personelin e QKB-së në fushat e raportimit financiar dhe jo vetëm.
QKM thekson se ky bashkëpunim shënon një hap të rëndësishëm në drejtim të modernizimit të shërbimeve publike dhe aksesit të biznesit në teknologjitë inovative financiare.
