Kryeministri Edi Rama është shprehur se me firmosjen e marrëveshjes së bashkëpunimit me qendrën spitalore ‘San Raffaele’, pacientët shqiptarë nuk do të kenë pse të shkojnë jashtë për t’u kuruar, pasi në disa vite do të kenë këtu në Shqipëri shërbimin më të lartë europian.
Rama tha se me partneritetet e krijuara, synohet që QSUT të transformohet në një qendër ekselence për kujdesin shëndetësor në të gjithë Ballkanin.
Kreu i qeverisë tha se duan të transformojnë edhe Universitetin e Mjekësisë. “Qëllimi është që në Universitetin e Mjekësisë së Tiranës, të merren diploma të njëjta si ato të Vita San Raffaele”, tha Rama
Rama: Ne mund ta transformojmë qendrën (QSUT), në një qendër ekselence për kujdesin shëndetësor në të gjithë Ballkanin. Ne duam ë transformojmë edhe Universitetin e Mjekësisë dhe në të dyja këto bashkëpunime, që janë pjesë e së njëjtës marrëveshje. Synimi nuk është të kemi një partner më shumë, të kemi një konsulent më shumë apo që të bëjmë një binjakëzim më shumë.
Synimi është që deri në 2030, nga njëra anë QSUT të pësojë atë transformim së grupin e San Raffaele-s ka sjellë në Poloni, duke u përfshirë drejtpërdrejt në të gjitha proceset, në menaxhimin e qendrës, në organizimin e gjithë jetës së përditshme dhe duke bashkuar në kuptimin e vërtetë të fjalës, profesionistët e dy anëve.
E njëjta ambicie është për Universitetin. E kemi shembullin e parë me Boku të Vjenës që ka filluar procesin e shkrirjes me Universitetin Bujqësor të Tiranë. Qëllimi është që në Universitetin e Mjekësisë së Tiranës, të merren diploma të njëjta si ato të Vita San Raffaele.
Marrëveshja e hap këtë kapitull dhe sot nuk është më çudi të imagjinojmë që në këto vite tu japim gjithë atyre që shkojnë në vende të tjera, për t’u kuruar, ta bëjnë në Shqipëri. Të marrin shërbimin e nivelit më të lart europian dhe tu japim mundësi të gjithë vajzave dhe djemve nga rajon të vijnë të studiojnë në Shqipëri dhe të marrin një diplomë të nivelit europian.
