Në daljen e tij për mediat kryeministri Rama u shpreh sot se në kontratë është e parashikuar që do të ketë lehtësira për banorët e zonës si dhe pasagjerët që kalojnë shpesh në rrugë. Edhe pse nuk përmendi shifra Rama tha se ata banorë do të identifikohen brenda 6 muajve të parë.
Rama i quajti një pjesë të qytetarëve që ishin pjesë e protestës vandal dhe barbarë, mirëpo në këtë pikë hasi rezistencë nga një prej gazetareve që ishte e pranishme në sallë. Ajo u shpreh se e njohte një pjesë të mirë të këtyre protestuesve dhe nuk ishin aspak të tillë.
Nëse kjo protest ishte e ngjashme me 21 Janarin, Rama u shpreh: Është debat i vjetër dhe është e ndarë kjo punë. Protestuesit atë ditë nuk kanë ardhur për të bërë asnjë lloj dhune, përkundrazi janë sulmuar nga policia.
Unë me Majkon dhe një grup tjetër dhe jemi kthyer përpara kullave sepse na erdhi përballë tymi i gazit lotsjellës dhe makina me ujë. Që turmat reagojnë kur sulmohen nga policia, kjo ndodh. Mos bëjmë krahasime komplet pa lidhje sepse në këtë rast bëjmë gabim të madh.
(E.K/FAXWEB.AL)
