Ministri i Mjedisit Lefter Koka ka qenë i ftuar sot në emisionin e mëngjesit me Bashkim Hoxhën. Duke folur për ndërtimet në qytetin e Durrësit ai tha se ndjen keqardhje kur sheh eksperimentet që po i bëhen qytetit të Durrësit.
Sipas tij në këtë qytet të gjitha ndryshimet janë bërë për t’iu përshtatur eksperimeneteve të Ramës. Koka e bëri të qartë se kushdo që të vijë në krye të qytetit të Durrësit do ta zhbëjë projektin e “Velierës”.
“Rama reklamon Reformën në Drejtësi, ndërkohë që Dako nuk zbaton vendimin e Gjykatës për të ndalur punimet e Velierës”, u shpreh Ministri i Mjedisit.
Koka vijoi më tej duke thënë se socialistët me në krye Vangjush Dakon po tentojnë që të zhbëjnë edhe identitetin e këtij qyteti.
Duke komentuar dhe monumentin e Mujo Ulqinakut në qendër të qytetit Koka u shpreh se këtë që po i bën Vangjush Dako nuk ia kanë bërë as italianët.
Lefter Koka: Mujo Ulqinaku është përballur me pushtuesit Italian dhe sot i duhet të përballet me Vangjushin.
Bashkim Hoxha: Dhe sot me italianët po ndeshet, me studion projektuese italiane.
Koka ka vijuar më tej me akuzat në lidhje me cënimin qëë poi u bëhet zgjedhjeve të lira e të ndershme. Sipas tij eksponentë të PS-së në Durrës dhe jo vetëm po ushtrojnë presion mbi punonjësit e administratës. (E.K/SHUPLAKA)
