Qytetarët apel Bashkisë së Tiranës: Na mbytën plehrat, në “Ish-Bllok” dy ditë pa u hequr

Mesa duket çështja e pastrimit dhe plehrave do të jetë një problem që do e shoqërojë Tiranën edhe në muajt dhe vitet në vazhdim. 

Qytetarë të shumtë kanë dërguar në redaksinë e “Shuplaka” një foto flagrante nga zona më e pasur dhe më e frekuentuar e kryeqytetit, “Ish Bllok”, ku shihet një masiv i madh mbeturinash në mes të rrugës.

Sipas tyre, plehrat në këtë zonë kanë dy ditë pa u hequr, ndërsa i bëjnë apel Bashkisë së Tiranës të marrë masa sa më shpejt.

Javë parë kryetari i Bashkisë, Erion Veliaj lancoi nisjen e punës së kompanisë “Eco Tirana”, e cila do të merret me pastrimin e qytetit, fillimisht brenda Unazës e më pas në të gjithë territorin e ri të bashkisë.

Ai premtoi se, zona brenda Unazës së Tiranës, që është identifikuar edhe si zona e kuqe, ku do të përqendrohet fillimisht puna e kompanisë publike Eco Tirana, do jetë më e pastër.

Por fotoja që po publikon “Shuplaka” tregon krej të kundërtën. Tirana nuk pastrohet as në zemër të saj, mendoni çfarë mund të ndodhë në zonat më periferike…. (A.R/SHUPLAKA)