Në 9 maj të 2015 në Kumanovë, pati përleshje të armatosur midis njësitit special të Maqedonisë dhe grupit të armatosur në lagjen e Trimave. Pas 18 orëve, në komunën e banuar tërësisht nga shqiptarët, përballja përfundoi me vrasjen e 10 personave (5 policë dhe 5 persona nga grupi i armatosur). Ndërkohë që ngjarja nisi në orën 5 të mëngjesit dhe në pranga përfunduan 26 persona nga grupi sulmues.
Ndërkohë që të enjten që lamë pas për rastin e Kumanovës me burg të përjetshëm u dënuan tetë persona, ndërsa të tjerët u dënuan me gjithsej 746 vjet heqje lirie.
Dita e djeshme ishte një ditë e vështirë për qytetarët e Kumanovës.
Familjarët e të dënuarve të grupit të Kumanovës, shoqatat e dala nga lufta e ish UÇK-së, Shoqata e ish të përndjekurve dhe të dënuarve politikë dhe disa organizata të tjera, kanë protestuar të dielën në Shkup kundër dënimit të 30 pjesëtarëve të grupit me 746 vjet burg dhe 7 të tjerëve me burgim të përjetshëm.
Ata marshuan prej sheshit “Skënderbeu” prej ku edhe organizatorët mbajtën fjalime, deri tek Gjykata Penale e Shkupit, e cila të enjten dha dënimet për të akuzuarit.
Gjatë marshimit me pankarta në dorë protestuesit këndonin këngë kombëtare dhe thirrje kundër disa përfaqësuesve politik në Maqedoni.
Daim Hyseni njëri nga organizatorët e protestave, para Gjykatës Penale tha se qytetarët do të organizohen sërish në protesta ndaj aktvendimit të Gjykatës Penale.
Dashurie Sefa nga organizate Këshilli i Familjarëve tha:“Kërkojmë që ngjarja e 9 dyhe 10 majit të hetohet dhe proçedohet nga ndërkombëtarët. Strukturat e Larta shtetërore të Maqedonisë ka qenë përfshirësi i madh dhe ai që ka ndikuar në sajimin e skenarit të 9 majit. Përgjimet, ndjekjet fizike dhe dosjet e hapura nga shërbimet policore maqedonase 8 muaj para ngjarjeve tragjike kundër bijve tanë, tregojnë dhe implikojnë pa ashnjë dyshim edhe kreun më të lartë të asaj kohe të Maqedonisë.”
