Në sheshin midis Prefekturës dhe Bashkisë në qytetin e Elbasanit është zhvilluar ditën e djeshme një protestë e madhe për inportimin e mbetjeve. Duke mbajtur nëpër duar pankarta me mbishkrime: “Jo Kombinatit të ri Metalurgjik”, “ Jo inportit të mbetjeve”, “Inceratorikancer-vdekje”, ‘Edi-Qazim, ne vendosim për jo”, ata protestuan me qëllimin për një Elbasan të pastër.Motoja e saj ishte “Të rinjtë kundër ndotjes”.
Pjesëmarrësit në tubim e cilësuan kriminale ndërtimin e impiantit të trajtimit të mbetjeve në periferi të qytetit dhe aq më tepër në një zonë të populluar. Sipas ambjentalistit Sazan Guri protesta e elbasanasve kundër ndotjes do të mbështet fuqishëm nga të gjithë, pasi kjo është një kauzë e rëndësishme.
“ Ne do t’i themi jo vendimit arrogant të qeverisë lokale e asaj qëndrore. Do i themi jo inceratorit rrangallë që do të helmojë shëndetitn e elbasanasve. Mjaft ka vuajtur Elbasani nga Metalurgjiku. Do t’i themi jo kësaj teknologjie rurale dhe t’a ndalojmë vënien në punë të inceratorit të Elbasanit”, tha Sazan Guri.
Më pas protestuesit kanë vendosur pankarta në hyrjen e derës së Bashkisë për t’u bërë thirrje autoriteteve vendore që të mos e mbështesin vendosjen e inceratorit në Elbasan. Në këtë protestë morrën pjesë deputetë të PD-së , si edhe nënkryetari i kuvendit, Edmond Spaho.
Discussion about this post