Qytetarët ankohen ”Live” gjatë transmetimit të emisioneve të ”Ora News” se platforma ”Digitalb” dhe paketat e ofruara prej saj u kanë ndërprerë sinjalin.
Në reagimet tyre qytetarët thonë se nuk po marrin një shërbim për të cilin kanë paguar por edhe shprehën se po cënohet e drejta e shprehjes dhe informimit e sanksionuar me ligj.
Në emsionin e mëngjesit “Ora Juaj” të drejtuar nga Patrik Sadikaj shikuesit ngritën shqetësimin e ndërprerjes së njëanshme të kontratës me platformën e transmetimit.
“Jeni bërë si dhomë e ndaluar. Sa më shumë ju ndalojnë aq më shumë ju kërkojmë. Unë kam një kontratë dhe nuk u informova për ndërprerjen e sinjalit”, thotë një shikues.
Qytetarët kërkojne edhe angazhimin e organeve të drejtësise per t’i dhënë një zgjidhje këtij problemi.
Sakaq ”Ora News” edhe pse është gjendur para një vendimi të njëanshëm të kompanisë ”Digitalb” ka ofruar shërbimin falas në mënyra të tjera. (V.G/Shuplaka)
Discussion about this post